Organización

¿Quién somos?

Somos un Partíu Políticu fechu por y pa Xixón, enfocáu namás a solucionar les nueses torgues, les nueses faltes ya puxar por tolo bonu que tien el nuesu conceyu. Tolo bono que tenemos.

Llibres d'atadures provinciales y estatales, el trabayu céntrase equí, en sacar alantre un conceyu de 273.422 presones, teniendo en cuenta los sos enfotos, lluchando a comuña.

La nuesa organización

Entamamos al traviés d'una Asamblea Xeneral, formada por tolos afiliaos; un Comité Executivu, en representación de los miembros de l'Asamblea y un Comité Operativu, en cauntes tengamos representación nel Conceyu.

David Alonso

La nuesa xente

Conoz a les presones que van componer esti nuevu proyectu
Susana Álvarez Camporro
Susana Álvarez Camporro

Profesora d'Institutu per vocación, IES Matu-Jove. Xixonesa y emigrante. Comprometida cola busca d'un futuru para la ciudá.

    Jorge Fernández
    Jorge Fernández

    Formáu como Inxenieru Técnicu Industrial y n'exerciciu. Xixonés de nacencia y vecindá. Entusiasta de les Humanidaes.

      Marián Blanco Morán
      Marián Blanco Morán

      Maestra de Primaria y Antropóloga. Feminista y collacia de los animales.

        Paco González Díaz
        Paco González Díaz

        Técnicu Agrícola y Forestal. Profesional nel ramu dende 1982, anguaño n'Una Ciudá para Toos.

          Xuán Miguel Piedehierro Gutiérrez
          Xuán Miguel Piedehierro Gutiérrez

          Abogáu, empleau de banca, cooperante nos ratos llibres. Apasionáu en temes de ciudaes sostenibles, movilidá y residuos.

            Rocío Fernández Díaz
            Rocío Fernández Díaz

            Taxista, Diplomada en turismu, ilusiónen-y los nuevos retos. Comprometida cola infancia

              Diana de Martino
              Diana de Martino

              Bióloga, esperta en caltenimientu. Amplia esperiencia llaboral en Mediu Ambiente Sector Industrial.

                Ángeles Otero
                Ángeles Otero

                Diplomada en CC Empresariales, especialidá en Contabilidá y Auditoría. Esperiencia n'Alministración d'Empreses. Anguaño axente de seguros autónoma.

                  José Luis Parra Díaz
                  José Luis Parra Díaz

                  Técnicu especialista n'instalaciones y llínees eléctriques. Comprometíu cola ciudá.

                    Daniel Castañón Cañón
                    Daniel Castañón Cañón

                    Soldador comprometíu y sensibilizáu colos Derechos Humanu y Social, pol bienestar de les persones mayores y l'infancia.

                      Guiller Fernández Méndez
                      Guiller Fernández Méndez

                      Camionera. Opositora na actualidá. Entornada en universalizar la calidá de vida.

                        José Enrique
                        José Enrique

                        Mineru mientres una década, fontaneru na actualidá. Ceramista artísticu aficionáu. Lluchador incansable.

                          Mabel Pérez Prida
                          Mabel Pérez Prida

                          Alministrativu en asesoria. Firmemente convencida de que l'esfuerzu ye la base para camudar les coses.

                            Alejandro Peque
                            Alejandro Peque

                            Padre y carpinteru. Esmolecíu pol futuru de los nuesos fíos y el planeta que-yos tamos dexando

                              Entamos

                              Somos xente que vive'n Xixón y qu'esfruta de la ciudá, pero que tamién ve los fallos, esmolécen-y les sos faltes y queremos solucionales de mena eficaz y con coherencia.

                              Trabayadores municipales, autónomes, xente que desendolca'l so trabayu nel sector priváu, xubilaos y xubilaes, estudiantes, a la fin, xente normal.

                              Pola calidá del aire, pol curiáu los nuesos mayores, pol llibre desenvolvimientu de les nueses neñes y neños, por daqué tan senciellu como faer de la nuesa ciudá una ciudá atenta.

                              Por xenerar empléu pa presones, non solo pa máquines, por favorecer la integración, por educar n'igualdá y por garantizar l'accesu a la Cultura.

                              Llínies de trabayu

                              Les nueses llínies de trabayu p'ameyorar el presente ya'l futuru del nuesu conceyu
                              Desendolque Urbanu Sostenible

                              Dende l'entamu les ciudaes, los fundamentos del urbanismu consistíen en garantizar l'accesu a tolos ciudadanos a la vivienda, los servicios y la calidá de vida, según a amenorgar les desigualdaes. Estos entamos cabezaleros son con demasiada frecuencia escaecíos o directamente actúase a la so escontra. Tenemos de plantegar reconquistar la ciudá por y pa los ciudadanos. Pa toles ciudadanes.

                              Turismu

                              Exe'l norte España, capital de la mariña atlántica del sur d'Europa. Allugamientu y situación privilexaes. Sector emerxente necesariu y vertebraor.

                              Puxar pol dinamismu la ciudá con reclamos culturales nuevos y novedosos va facer el camín más afayaízu

                              Equidad, Drechos Sociales y Emplegu

                              Son trés conceutos que siempres tendríen de dir xuntes pos solo asina ye a garantizase'l Bienestar Social.

                              L'emplegu ye la primer xera necesaria pa'l espoxigue'l conceyu, pero tamién el puntu básicu imprescindible pa la vida familiar, polo que fomentar polítiques que promuevan nuevos puestos de trabayu, asegurar los yá esistentes y que toos ellos sían calidable, hai de ser el puntu partida na economía municipal.

                              Cultura, Educación y Salú

                              Cultura significa Saberes, conocencies propies, y les conocencies trescríbense como llibertá. Garantizar l'accesu a la cultura a tolos habitantes del conceyu, significa apurrir autonomía, espoxigue interior.

                              La Educación ye la base d'esa Cultura, los pegoyos onde van asitiase tolos aprendizaxes. Polo tanto, ye necesariu puxar pola participación de tola comunidá nella, arropar a les neñes y los neños nel camín del descubrimientu, garantizar que sía calidable y con respetu.

                              Y la Salú va ser la tercer vía para'l desenvolvimientu integral de la persona, pa la crecedera completa ya individual.

                              Curiar, acompañar, abrigar, alzar a toles presones del conceyu y n'especial, a los colectivos más fráxiles, ye llabor de toos.

                              Mediu Ambiente, Mundiu Rural y Movilidá

                              El Mediu Ambiente lo ye too y como tal, el so curiáu, caltenimientu y meyora tienen de dir implícites en caúna les midíes y les árees d'esti proyectu. Combatir la contaminación atmosférica y la contaminación de les agües, suponen los puntos d'arranque básicos p'atayar les torgues de Xixón.

                              Más de 27.000 vecinos habiten na zona rural y periurbana. De cutiu, el conceutu ciudá invisibiliza la realidá: el Conceyu” de Xixón ye tamién rural; tien de ponese en valor. Curiar y garantizar el so desenvolvimientu vital ye fundamental.

                              Fai falta afaer y ameyorar la malla urbana esistente pa una movilidá sostenible real, una pacificación del tráficu y unes meyores nel serviciu de tresporte públicu afeches a les necesidaes actuales de les ciudadanes.

                              Participación Ciudadana, Tresparencia y Gobiernu Abiertu

                              La tresparencia tien de ser unu de los elementos diferenciadores a la de llevar a cabu cualquier proyectu políticu. La tresparencia tantu de quienes exercen la función política como na mesma institución.

                              Para garantizar una participación ciudadana afayaíza, la información qu'esquite de les instituciones públiques, ten de ser ñidia, concisa y cenciella. Nun puede esistir nengún tipu de conceutu de gobiernu abiertu ensin estos dos entamos: la participación ciudadana y la tresparencia.

                              Pero non como un regalu, sinón porque ye un actu de drechu tener accesu a la información de datos de los que formes parte y saber pa qué votes.

                              El nuesu compromisu, ye que tolos ciudadanas puedan conocer, siguir y participar en toles actividaes que faiga'l Conceyu; fundamentalmente a ónde van los nuesos impuestos y ónde gasta'l dineru'l Conceyu.

                              Economía y Facienda

                              Tradicionalmente, los procesos económicos foron estremaos en trés fases: producción, distribución-circulación y consumu. Estes categoríes respuenden a les formes d'interacción social en toles sociedaes. La nuesa ciudá, como tantes otres al nuesu alredor, va viendo llindaes eses relaciones sociales a la última fase, llindando l'accesu a la producción y, por ello, desmembrando la malla económica que tendría de fortalecer la ciudá. Texer una rede empresarial que garantice'l desenvolvimientu profesional de los nuesos mozos y caltenga el yá esistente, ye una prioridá absoluta para nós.

                              Na Facienda Pública coesisten dos enfoques:

                              • Unu positivu (el "ser" de les cuestiones), qu'intenta desplicar teóricamente'l funcionamientu'l sector públicu.
                              • Y otru normativu (el "tien de ser"), qu'ellabora encamientos para poder decidir ente les politiques públiques más afayaíces énte una cuestión determinada.

                              Solo siguiendo los trés preceptos básicos que Musgrave-y atribúye a la Facienda Pública, vamos consiguir unes cuentes saniaes y eficaces: L'asignación eficiente los recursos, la distribución de la renta ya'l puxu pola estabilidá ya'l desendolque económicu nel nuesu Conceyu.

                              Polítiques de Xéneru y Deporte

                              Nel artículu 14 de la Constitución, reconoz la igualdá formal.

                              Asitiar la igualdá como un derechu suxetivu, esixe l'ausencia de discriminación, el drechu a un tratu igual y la posibilidá d'almitir les llamaes discriminaciones positives.

                              Dende la perspectiva d'entamu democráticu, esclúi que grupos sociales en desventaxa puedan quedase aisllaos y ensin voz, con una ciudadanía debilitada o insuficiente.

                              Y dende el puntu vista social, la igualdá lexítima un tratu xurídicu distintu y favoratible a les presones y grupos que s'atopen en cualisquier situación desfavorable.

                              Poro, dende'l Conceyu ye necesariu movilizar toles acciones y polítiques públiques precises pa encetar, inclusive con calter preventivu y estructural, futures desigualdaes.

                              El deporte nuna sociedá significa salú, salú física y emocional.

                              Dende'l deporte caltenemos sanos los nuesos cuerpos,combatimos l'avieyamientu prematuru, les enfermedaes propies de la vida sedentaria... Pero tamién trabayamos la superación, el compañerismu, la tolerancia a la frustración.

                              Promover polítiques qu'activen la participación de les ciudadanes y ciudadanos nos programes deportivos, en tolos rangos d'edá, ye una xera central para tener una ciudá sana.

                              Curiar dende lo más institucional, los nuesos equipos y federaciones, hasta lo más espontáneu, el xuéu na cai, ye per importante pa Por Xixón.

                              Seguridá y Emerxencies

                              El focu la Seguridá na nuesa ciudá, tien de tar nel analisis del comportamientu la población asina como nes condiciones físiques de la mesma ciudá. Porque'l primeru asítiase nel segundu, utilizalu d'escenariu.

                              Les politiques de Seguridá van influyir en cómo se configuren los nuevos retos de los conceyos, la calidá de vida les presones que los habiten.

                              El manifiestu de Nápoles, nel senu del Foru de la Seguridá de la Unión Europea, yá abogaba por una ciudá afayaíza, solidaria, qu'acepte les distintes sensibilidaes, que xenere espacios de llibertá, hospitalidá, xusticia y seguridá.

                              Asina ye Xixón y asina tien de siguir siéndolo.

                              La bona xestión de les emerxencies que puedan dase na nuesa ciudá ye fundamental para'l desendolque normal de la mesma.

                              Detectar de secute y dar una respuesta concreta y satisfactoria garantiza que cualquier fechu puntual, seyaa resueltu de la mena más efectiva posible y con menos daños.

                              La seguridá ciudadana ye indispensable, sicasi que tolos los nuesos servicios d'emerxencia cunten colos medios necesarios.

                              Contáctanos y afíliate

                              Si quies afiliate, fainos llegar la to fueya d'afiliación 
                              Dirección
                              Cai Instituto, 19 Xixón, Asturias
                              Otros medios
                              Correo electrónico: info@porgijon.es Teléfono: 659.47.29.91